Barcelona nuk ka arritur ta shfrytëzojë humbjen e Real Madridit dhe është ndalur nga Girona në “Camp Nou”.

Ndeshja e xhiros së 28 përfundoi në një barazim pa gola.

Xavi bëri dy ndryshime nga humbja e skuadrës së tij në Kupën e Mbretit, pasi Ansu Fati dhe Eric Garcia u kthyen në formacion.

“Blaugranët” u gjendën nën presion në minutat e para, por arritën ta rimerrnin kontrollin e lojës pa pësuar.

Të dyja skuadrat patë raste, por nuk i shfrytëzuan ato.

Girona pothuajse shënoi një autogol, pasi Paulo Gazzaniga-s iu desh të bënte një largim në vijën e portës pas një pasimi të gabuar të Santiago Bueno-s.

Girona thuajse mahniti “Camp Nou”, por goditja Valentin Castellanos përfundoi jashtë portës së vendasve.

Në minutat e fundit Barcelona rriti presionin dhe pati raste me Lewandowskin dhe Gavin, por asnjëri nuk e gjeti rrugën drejt rrjetës.

Barcelona tani ka 13 pikë më shumë se Madridi që është në vendin e dytë, duke shkuar në 10 ndeshjet e fundit të këtij sezoni.

Girona nga ana tjetër janë në vendin e 11-të./Arbresh.info/